Гишүүнчлэл

ACTION AIR SHOOTING CLUB нь практик буудлагын спортын клуб бөгөөд ОУПБХ, МПБХ-ноос олгосон эрхийн дагуу Action Air төрлийн тамирчин бэлтгэл зорилгоор сургалт явуулах, тэмцээн зохион байгуулах, тэмцээнд тамирчдаа бэлтгэн оролцуулах зорилготойгоор ажиллаж байна.

ACTION AIR SHOOTING CLUB гишүүд дараах спорт холбоодын давхар гишүүнчлэлтэй байна. Үүнд:

  • Олон улсын практик буудлагын холбоо (ОУПБХ)
  • Монголын практик буудлагын холбоо (МПБХ)
  • Монголын эйрсофт буудлагын холбоо (МЭБХ)

ACTION AIR SHOOTING CLUB гишүүнээр элсэхийн тулд практик буудлагын спортын анхан шатны аюулгүй ажиллагааны сургалтанд хамрагдсан байх шаардалагатай. Тухайн сургалтыг дараах газруудад явуулах эрхтэй:

  • МПБХ-ны төв клуб – Төв аймаг, Сэргэлэн сум
  • МПБХ-ны экшн эйр клуб – Манай клубын хаягыг энд дарж харна уу.

ACTION AIR SHOOTING CLUB гишүүнчлэлийн  2 хувилбартай. Үүнд:

  • Насанд хүрэгчид – 18 ба түүнээс дээш насны Монгол улсын иргэн байна.
  • Жуниор – 18 насанд хүрээгүй эцэг, эх, асран хамгаалагч нь зөвшөөрсөн хүүхэд байна.

ACTION AIR SHOOTING CLUB явуулдаг сургалтууд:

  • Насанд хүрэгчдэд зориулсан сургалт
  • Жуниор хүүхдүүдэд зориулсан курс хичээл
  • Нас харгалзахгүй явагддаг танилцах сургалт
  • Тусгай хөтөлбөрт сургалтууд

ACTION AIR SHOOTING CLUB гишүүнээр элсэх, сургалтанд хамрагдах бол дараах материалуудыг бүрдүүлнэ.

Шаардлагатай материал Тайлбар
Бүртгэлийн анкет Сургалтанд хамрагдах үедээ бөглөж өгнө
4% Цээж зураг 3*4 хэмжээтэй байх
Иргэний үнэмлэхний цахим лавлагаа ТҮЦ машинаас авах
Оршин суугаа хаягын лавлагаа ТҮЦ машинаас авах
Галт зэвсэг ашиглахад харшлах өвчин, гэмтэл, согогийн жагсаалтад заасан өвчин, эмгэггүйг тодорхойлсон эрүүл мэндийн хуудас А-33 маягтыг өөрийн харьяа дүүргийн эмнэлэгээс авч, бөглүүлж ирэх
Цусны бүлэг тодорхойлуулсан магадлагаа Цусны эрүүл мэндийн төв эсхүл өөр бусад эмнэлэгийн тодорхойлолт

         Насанд хүрэгчдийн хувьд гишүүнчлэлийн хураамж нь сар, сараар сунгагдаж явах бөгөөд хураамжаа төлсөн гишүүн нь тухайн сард явагдах бүх клубын тэмцээнд оролцох болон бусад өдрүүдэд цагийн хязгааргүй бэлтгэл хийх боломжтой.

  1. Спортын цол, зэрэггүй гишүүн – 150,000₮ (Практик буудлагын спортын цол, зэрэггүй гишүүн)
  2. Спортын зэрэгтэй тамирчин – 120,000₮ (Практик буудлагын спортын 1 болон 2-р зэрэгтэй тамирчид)
  3. Спортын цолтой тамирчин – 100,000₮ (Практик буудлагын олон улсын хэмжээний мастер, спортын мастер, дэд мастер цолтой тамирчид)

АНХАН ШАТНЫ СУРГАЛТ

  • Сургалтын түвшин: Анхан шат
  • Сургалтын хугацаа: 2 өдөр буюу 14 цаг цаг (Бямба 10:00-18:00, Ням 10:00-13:00)
  • Сургалтын хэрэгсэл: Glock 17 Airsoft GBB гар буу, гар бууны гэр, дайз, дайзны гэр, нүдний шил, буудлагын үед хэрэглэх газ, ВВ сум зэрэг бүх шаардлагатай зүйлсийг манайхаас хэрэглүүлнэ.
  • Сургалтын төлбөр: 300,000₮
  • Клубын гишүүнээр элсэж цаашид хичээллэх тохиолдолд зайлшгүй уг сургалтыг төгссөн байхыг шаардана.
  • Анхан шатны сургалтын үнийн дүнд клубын гишүүнчлэлийн эхний сарын хураамж болох 150,000₮ багтсан.
  • Клубын сарын хураамжинд ажлын өдрүүдийн турш бэлтгэл хийх заал ашиглалтын төлбөр болон тухайн сард явагдах клубын бүх тэмцээний хураамж (сард ойролцоогоор 3 удаа явагдана) багтсан байдаг.
  • Сургалтыг төгссөнөөр практик буудлагын спортын “Хийн гар буу” төрлийн тэмцээн уралдаанд оролцох эрх нээгдэх юм.
  • Сургалтыг төгссөнөөс хойш 3 сарын хугацаанд хамгийн багадаа 5 удаагийн тэмцээнд ороогүй тохиолдолд давтан сургалтанд хамрагдахыг шаардана.

70144837_659931057827233_8683696193382907904_o.jpg

Анхан болон анхан, дунд шатны курс сургалтыг төгсөгчдөд дараах гэрчилгээг гардуулна. ОУПБХ-ны дүрмээр тэмцээнд оролцогч нь зайлшгүй аюулгүй ажиллагааны сургалтанд хамрагдсан аюулгүй буудагч байхыг шаарддаг.

          Практик буудлагын спортын онцлог нь сураад дуусна гэсэн ойлголт байхгүй, насан туршдаа хичээллэх спорт юм. Сонирхогч та 7 хоногт ядаж ганц өдрийг зарцуулж чадах бол бидэнтэй нэгдэж чөлөөт цагаа үр дүнтэй өнгөрүүлэх, идэвхтэй хөдөлгөөн хийх, буудлагын спортоор хичээллэх, цаашлаад тив, дэлхийд нэрээ цуурайтуулсан мэргэжлийн тамирчин болохыг урьж байна.